Momentalno našti te da tuče podrška ki Romani čhib!
Čeraja aktivno buti te arakha đikas so vačeri Romani čhib. Amen ka mukha informacia kedka ovel amen điko so đanela te vačeri Romane.
Stockholms tjejjour
Stockholms tjejjour tani jekh feminističko organizacia so dela podrška e đuvljenđe prekalo chatt, e-mail, telefoni hem sastankija. Amen startirinđam e beršeste 1996 hem hijam i prvo esavki organizacia ki Švedska. Amen isi amen butberšengiri praksa, đandipe hem pomožinaja sar tumenđe ka pasuini. Odova značini so šaj te ove anonimno hem odova so ka vačere ačhola maškaro amende. Amen o đuvlja so pomožinaja tut, na hijam psihilogija ja manuša kotar dijekh institucia. Amen hijam othe tuče, te da tuče manušikani pomoč.
O đuvlja tane piko e đuvljenđe
Ko so šaj te pomožina tut?
Amen tuče hijam othe ki bilo savi situacia, tikni ja bari. Tu šaj te vačere amencar ando bilo soste, sar ko primer ako hijan mazumi, osetineja tut kokri, ja hine tut fizičko, psihičko hem seksualno brutaliteti. Amen hijam tuče othe, te šuna tut hem stalno hijam ki tiklji strana. Tu šaj te ove anonimno hem sa so ka vačere ačhola maškaro amende. Tu šaj te vačere amencar prekalo chatt, telefoni ja te bičhalje amenđe e-mail. Bujrum, kontaktirin amen.
Ađahare šaj te kontaktirine amen, te pomožina tut ki ti čhib
Bičhal jekh e-mail hem ki rubrika pisin “stöd på romani”, tegani ka kontaktirini tut điko amendar so đanela Romani čhib te vačeri. Tumen ka dogovorinen tumen o datum hem o vakti keda šaj te šunen tumen ko chatt, ko telefoni, ko e-mail ja ako čače ka resen tumen te čeren muhabeti.
E-mail adresa: kontakt@stockholmstjejjour.nu
Isi tut li rezervisimo vakti ko chatt? Đa ko chatt akate
Amari grupa
Ko Stockholms tjejjour startirinaja kotar idea, amen o đuvlja te pomožina e đuvljen. Amen so pomožinaja hem odola so dobinena i pomoč ko Stockholms tjejjour ulavena maškaro peste o negativno situacije so hine oljen sar đuvlja. Sarine so definirinena pes sar đuvlja tane amari grupa. Amenđe ko Stockholms tjejjour o genus nane važno. Ama, sa đi o manuša dobinena aver čhane tretmani sebepi so tane murša ja đuvlja, amen mislinaja so valjani te oven ulavde.
Na mangeja li te dičhol so kontaktirinđan o Stockholms tjejjour?
Ako mangeja te na dikhel điko so hijan hine ko amaro internet than, tu šaj te kose i internet historia. Ađahare šaj te čere ko akala internet motorija.
Kos i internet historia
Tu šaj te kose o separatna delija kotar internet historia ako mangeja. Takin upre ako mangeja te rode jekh objekti.
Chrome
Phrav o Chrome ko kompjuteri.
Klikin ko Mer upre ki desno strana.
Klikin ko Historik Historik.
Markirin ko kvadrati zalo objekti so mangeja te kose kotar internet historia.
Klikin ko Radera upre ki desno strana.
Akana klikin ko Ta bort.
Internet Explorer
Takin ko Favoriter ko Internet Explorer.
Takin ko Historik hem birin sar te dičhol i internet historia prekalo filter ko meni. Ako mangeja te kose o separatna delija kotar internet historia, klikin ko internet than hem birin Ta bort. Tu šaj te irine tut ko internet than ako birineja ki lista.
Safari
Ko Safari ko kompjuteri birineja Historik > Rensa historik hem klikin ko popupmeny.
Birin kobor baro vakti napalal mangeja te kose i internet historia.
Ako na čerela, odova šaj te ovel sebepi so isi tut purani verzia Safari. Probin te takine ko Rensa historik hem palo odova ko Radera cookies hem data.
Mozilla firefox
Klikin ko meni , birin Historik, hem palo odova Rensa ut tidigare historik….
Birin kobor internet historia mangeja te kose:
Klikin ki lista zalo Tidsintervall att ta bort te birine kobor internet historia ko Firefox mangeja te kose.
Akana klikin ki crta zalo Detaljer te birine savi internet informacia mangeja te kose.
Ko krajo, klikin ko Ta bort. O objektija so birinđan nane othe akana.
